Kumin MLA Election inthlan vote thlak ni November Ni 28, 2018 huna Champhai District chhuga Polling Station 137-a duty tur Polling Official-te puala training thawhhnihna leh tawp berna tur chu vawiin November Ni 20, 2018 hian GM Higher Secondary School, Champhai Vengsangah neih tan a ni.

Training hi chawhma dar 10:30 atanga tan niin, a ni khat ni hian 21-Lengteng (ST) A/C, 22-Tuichâng (ST) A/C leh 23- Champhai North (ST) A/C huam chhunga thenkhat a duty tur Polling Official 350 te hnenah training hi pek a ni a. District Master Trainers 6 ten Room hrang hrang 6 ah inthenin Election Form pawimawh dah khah dante, EVM khawl hman danteleh tul dangte an zirtir a. Training zawh hnu hian inthlanni a duty tur ten Postal Ballot hmangin vote an thlaka, vawiin lamah hian bvote 244 a tla a ni.  

Training hi a hmun ngaiah naktuk hian chhunzawm leh tur ani dawn a.  Naktuk lamah chuan  24-Champhai South (ST) A/C, 25- E. Tuipui (ST) A/C leh 23- Champhai North (ST) A/C huam chhunga Polling Station la bang zawnga duty tur Polling Official-te tan buatsaih a ni ang.