Vawiin khan Govt Region HSS-ah MLA Inthlanpui 2018-a Lawngtlai District-a Presiding Officer (PRO) leh Asst PRO/1st Polling Officer turte tan training hnuhnung ber buatsaih a ni a. Postal ballot hmanga vote thlaktir nghal an ni bawk.

Vawiin training-ah hian PRO leh APRO tura ruatte an kal tha hle a. District Level Master Trainer-te - Pi Carolyn LB Khiangte MCS, Pu Lalneihthanga Colney MCS, Pu Vabeimozachhi Chozah MCS, Pi Christina Lalmuanzuali MCS leh Pu Timothy R. Lalhmangaiha MCS te'n training hi an pe a. Chawhnu lamah postal ballot hmanga vote thlakna facilitation centre hawn niin, polling official turte hian postal ballot vote an thlak nghal a ni.

Vawiina postal ballot vote-ah hian 36-Tuichawng (ST) Assembly Constituency-ah vote 94, 37-Lawngtlai West (ST) Assembly Constituency-ah vote 71, 38-Lawngtlai East (ST) Assembly Constituency-ah vote 129 leh district pawn constituency dangah vote 44, a zavaiin vote 338 a tla a. Nimin lama tlate nen a vaiin Lawngtlai District atangin postal ballot vote 500 chuang thlak tawh a ni.