2670/2023-2024

Champhai the 5th November, 2023 - MLA General Election, 2023, November ni 7 a neih tura Champhai District-a Polling Officials te duty na tur chu vawiin khan NIC Building, Keifangtlanah Computer hmanga thliarfel (randomize) vawi thumna neih a ni.

Champhai District-a Polling Station 84-a inthlan duty turin Polling party 102 siam niin, Polling Party pakhatah hian mi pali – Presiding Officer, Assistant Presiding Officer leh Polling Official 2 zel awmin a zavaiin mi 408 duty tura ruat an ni a. Vawiin Randomization-ah hian Polling Party te duty na tur thliarfel a ni a. Polling Party te hi DC office Keifangtlanga Despatch Centre ah naktuk zing dar 8:30 atangin an in report tan dawn a, ECI duh dan angin an duty na tur Polling Station chu naktukah hriattir an ni ang.

Vawiin randomization-ah hian 25 East Tuipui AC General Observer Pu Sanjay Kumar, IAS; Champhai DC&DEO Pu James Lalrinchhana leh political party hrang hrang aiawhte an tel a ni.