Nimin atanga neih ni hnihawh Registrars of Births and Death-te hnena Annual Training Champhai DRO Office Conference Hall Keifangtlanga neih chu vawiin khan zawh fel a ni. Vawiin training programme hi Pu F Lalbuaia, Asst District Registrar of Births & Deaths Champhai District-in kaihruaiin Champhai DC Pu Vanlalngaihsaka IAS leh Pu Lalremruata Kullai MCS, Election Officer (EO) ten training hi an hmanpui a. Directorate of Economics & Statistics Aizawl atangin Pi Biakchungnungi Dy. Director-in Training hi a ho a ni.
He hunah hian civil registration chungchunga dan leh dun awmte leh registrar ten harsatna an neih tawhte sawi hoa ngaihthlak a ni a. He training-ah hian Champhai District chhunga Registrars of Births & Deaths-te kohkhawm niin a Registrar tharte tan training pek a ni bawk.
Registration of Births & Deaths hi ‘The Registration of Births & Deaths Act 1969’ hnuaia hnathawh niin Mizoramah chuan State rules - The Mizoram Registration of Births & Deaths Rules 2007 leh The Mizoram Registration of Births & Deaths ( Amendment) Act 2015 hnuaiah piang leh thite registration hi kalpui mek a ni.
Mizoramah chuan Economics & Statistics Dept.hi Nodal Department niin kum 1985 July ni khat atanga kalpui tan a ni a. Tunah hian Mizoram pumah Registration unit 843 awmin District tinah Economics & Statistics Dept hnuaia Asst District Registrar/District Research Officer (DRO) ten an enkawl mek a ni. Champhai district bikah hian Registration of Births & Deaths Unit 110 awmin Champhai District-a khawtin chu tuam chhuak tawha ngaih a ni.
Annual training of the Registrars of Births & Deaths hi kum tin District tinah neih thin a ni a. Mi zawng zawngin pian leh thih a thlawna in register theih hun chhung sawrkarin a siam hi ngaihpawimawh theuh nise tih hi Nodal Department duh dan a ni a. Pian emaw thih emaw atanga ni 21 chhunga in report-in pian leh thih Certificate a thlawnin a lak theih a, hemi hnu lamah hi chuan late fee/delay fee te chawi a ngaih bakah First Class Judicial Magistrate phalna a ngai tawh a ni. Pianni emaw thihni te hi vawi khat in ziahluha certificate lak chhuah tawh a nih hnuah clerical mistake-te a nih ngawt loh chuan thlak danglam hi danin a phal tawh lo a ni.
