768/2023-2024

Champhai, the 12th June, 2023: Vawiin chawhnu dar 1:30 khan Champhai District Bawrhsap Pu James Lalrinchhana hovin DC Conference Hall-ah Remna Ni 2023 hman dan tur chungchanga inpuahchahnate thlirlet a ni.

He hunah hian Sub-Commitee hrang hrang atangtein hmalak tawh dan report ngaihthlak a ni a. Ruahman dan chuan Champhai District-a Remna Ni 37-na lawmna pual inkhawm chu June ni 30, 2023 chawhma dar 11 hian Kahrawt Community Hall-ah neih tum a ni a. Remna Ni lawmna pual hian Painting Competition, Photography Competition, High School leh Higher Secondary School Zirlaite pualin Remna Ni lam hawi Quiz Competition leh Essay Competition-te neih tum a ni a. Digital Flyer leh Video tawi insiamsiak buatsaih tum a ni bawk.

Heng bakah hian Remna Ni pual hian Health & Family Welfare Department kaltlangin Free Health Camp leh Blood Donation Camp buatsaih tum a ni a. Remna Ni zingkarah Peace Walk, CHANEM tualzawl atanga Circuit House tualzawl thleng neih tum a nih bakah NH-06 kawngpui kamah thingphun hnatlang neih tum a ni bawk.