767/2023-2024

Dated Aizawl the 12th June 2023: Vawiin khan Social Welfare & Tribal Affairs Minister Er. Lalrinawma chuan ATI Auditorium Aizawl-ah Mission Shakti khuhhawnna a nei.

He hawnna puala inkhawmtawi buatsaih-ah hian Social Welfare Minister Er.Lalrinawma chuan thu sawiin hmeichhiate dinhmun chawikang tur hian a hmei a pa in kan pawimawh a ni,a ti a; an chanvo chang thei tur a dawmkan leh rahbi siamsak hi kan tih makmawh a ni, a ti bawk.

Minister chuan sawrkar laipuiin hmeichhe dinhmun a ngaih pawimawh em avangin scheme tha tak tak kalpui mek a ni a, tun a mission Shakti pawh hian hmeichhiaten hleilenna an tawrh na lakah nasa takin venhimna leh chhawmdawlna a pe dawn a ni a ti. He program hlawhtlinna atan hian Department hruaitu leh Staff-te chu theihtawp chhuah turin a fuih bawk.

Vawiin Program hi Pi Donnie, Additional Secretary, SW&TA Department in kaihruaiin Pi Zoramthangi Chhangte, Director, Women and Child Development in Mission Shakti pawimawhna leh Mizoram chhunga kalpui dan tur te tarlanna a nei a, hun a hman zawh hian tunhnaia HSSLC result chhuaka hmeichhe topper-te lawmpuina thuziak hlanna hun hman a ni bawk.

Mission Shakti hnuaiah hian State Hub for Empowerment of Women(SHEW), State level-ah awm in, District tinah District Hub for Empowerment of Women (DHEW) te an awm bawk a. Tin, Universal Women Helpline (WHL), hmeichhia harsatna tawkte`n phone hmanga an harsatna an thlen theihna turin englai pawhin an duty a, anni hian an hnena harsatna thlentute, an mamawhna zawn zela tanpui thei turin an lo in hawng thin a ni. Heng bakah hian District tinah One Stop Centre (OSC), hmeichhia tanpui ngaite leh harsatna tawkte tan tluk luhna tur leh Shakti Sadan (Swadhar Greh Home), hmeichhe baihvai leh hleihlenna tawkte inhumhimna turin englai pawhin an inhawng reng a ni. Hmeichhia leh naupang tanpui ngaite tan Phone number 181 leh 1098 ah te engtik lai pawhin phone theih reng a ni bawk.