766/2023-2024

Aizawl, 12th June 2023 : Department of Mathematics, Pachhunga University College buatsaih “National Seminar on role of Number Theory & Graph Theory in Mathematical Science” chu vawiin Dt 12.06.2023 khan Environmental Science Seminar Hall, Pachhunga University College ah Dr. L Thangmawia, Vice Chairman, Human Resource Development Board, Govt. of Mizoram chuan a hawng.

Chief Guest Dr. L Thangmawia chuan thusawiin “Tun hma chuan Mizo te zingah Mathematics zir kan tam lo em em a, mizo nawlpui te khan hlauh en in kan en tawp mai a ni. Mahse tunah chuan Mizo te zing ah ngei pawh Ph.D degree mai piah lamah M.Sc degree nei pawh kan awm nual tawh a , hmasawnna ropui tak a ni” a ti. Kalkhawm te chu fuih in Mathematics chu hlauh tur a nilova, a taima leh a teirei peih apiang ten an thiam a ni mai a ti a, he seminar a tel zawng zawng te duhsak na a hlan bawk a ni.

He seminar in a atum chu kan hma lawka NEP kan hmanna turah Mizoram chhunga college a Mathematics Ziritirtute leh zirlaiten course thar lo awm tur atana awlsam zawka kan lo inbuatsaih theihna atana a ni.

Seminar hun chhunga zirtirna pe tur hian mithiam bik sawm an ni a, Dr. Ramdin Mawia, Indian Statistical Institute, Bangalore leh Dr. Lalrinpuia Tlau, National Institute of Technology, Puducherry te chuan zirtirna an pe ang. Tin keynote speaker atan Prof. M Sundarajan HOD, Department of Mathematics & Computer Science, MZU leh Prof. S Sarat Singh, Department of Mathematics & Computer Science, MZU te chu sawm anni bawk.

He hun hi Dr. J Lalvohbika, HOD, Department of Mathematics, PUC chuan kai hruaiin, mathematics department chungchang a sawia, invited speaker te inhmel hriattirna leh inlawmna a sawi hnuin Prof. H Lalthanzara, Principal, PUC chuan he seminar a rawn attend zawng zawng zirtirtute leh zirlaite hlawk taka he hun hi hmang turin a sawm a ni.

Ni hnih awh seminar ah hian hmun hrang hrang atangin mathematics a tui mi te an fuan khawm a, mithiam sawm bik te leh Research scholar ten paper an present bawk ang.

Dr. Denghmingliani Zadeng, Asst. Professor Department of Mathemtics, PUC chuan vote of thanks a sawi a ni.