879/2023-2024

Champhai, the 21st June, 2023: Samagra Shiksha Champhai District bultumin vawiin leh nimin khan khan Remna Ni lo thleng tur pualin District Level Inter High School Quiz Competition leh Essay Writing Competition buatsaih a ni.

Remna ni puala Inter District Quiz Competition-hi vawiin khan DEO Conference-ah Champhai Bawrhsap Pu James Lalrinchhana chuan a hawnga, Mizoram political history chu thangtharte'n an hriat chian leh zual theihna tura Quiz intihsiakna buatsaih a nih thu sawiin, Zirlaite chu Quiz an inbuatsaihna chu competitive exam thlenga an chhawr theih tur a nih avangin bel leh zuala thiam tura chahin mahni inrintawkna nen huaisen taka intihsiakna hmachhawn turin a chah bawk.

Remna ni puala Quiz intihsiakna buatsaih-ah hian High School 13-te vawiin khan an intihsiak a, naktuk hian Higher Seconday School 4-te an inel ve leh dawn a ni.

Nimin khan GM High School-ah Remni puala essay inziahsiak neih a ni bawk a, thupui atan  'Political history of Mizoram: 15 August, 1947- June 30, 1987' tih hman a ni a; Intihsiak tan hmaa hawnna inkhawm tawi neihah Pu H.Lalengzama, Champhai District Hindi Education Officer chuan, Remna Ni hman dan chu kuminah tihdanglam a ni a. Zirlaite'n Mizo history an hriat zau theihna tur te, zirna lam kaihhnawih hriatna zau zawk an neih belh theihna tura hman a nih thu a sawi a. Intihsiaknaa tel zirlaiten Mizo history an hriat belh ngei a beisei tih a sawi bawk.

Essay inziahsiakah hian Champhai District-a high School 12 leh Higher Secondary School 4 atangin zirlai 33 an tel a. Quiz leh Essay-a ti thate hian State level-ah district ai an awh dawn a ni.