979/2023-2024

Champhai, the 29th June, 2023: Vawiin khan Remna Ni 2023 pualin District Hospital Champhai Blood Bank-ah thisen pek runpui, 'Blood Donation Camp' huaihawt a ni.

Thisen petute hi Law & Judicial Minister Pu T.J. Lalnuntluanga, Champhai South bialtu MLA ni bawk chuan a hmunah a tlawh a. Remna ni hriatreng nana midangte tana malsawmna ni tura thisen hlu tak petu zawng zawngte chhuanawm a tih thu a sawi a ni.

India leh Mizoram inremna champha vawi 37-na puala thisen pek kaltlang hian Mizoram Police, Champhai District chuan thisen unit 16, mipa 15 leh hmeichhia 1 te'n an pe a. Champhai South leh Champhai North MNF thalai mipa 41 leh hmeichhia 7 te'n thisen unit 48 an pe bawk.

Law & Judicial Minister Pu T.J. Lalnuntluanga hi Pu James Lalrinchhana, DC Champhai leh Dr. Lallawmkima, DIPRO Champhai bakah mi pawimawh dangte'n an tawiawm a ni.

Environment, Forest & Climate Change Minister ni bawk Pu T.J. Lalnuntluanga chuan tukin khan Keilungliah tuikhuah tlawhin hmalak dan District Bawrhsap leh Department hotute nen an sawiho a. Tuikhuah kamah hian Minister leh amah tawiawmtute chuan thing an phun nghal bawk a ni.