4020/2023-2024

29th February, 2024 : Vawiin khan Champhai DC Conference Hall ah kan hma lawka Lok Sabha MP inthlan 2024 lo awm turainbuatsaihna atan Sector Officer te tan training buatsaih a ni.

He hun hi Pu Benjamin Zalawma Ralte, Election Officer, Champhai chuan a kaihruaia Pu James Lalrinchhana, DEO, Champhai chuan inhmelhriattirna leh Sector Officer kalkhawmte lawmna thu a sawi a, DEO chuan India ram chu mipui thlan tlin sawrkarna ram anih vangin mipuiten an aiawh dik leh fel taka an thlan a pawimawh hle a ni, a ti. Sectoral Magistrate te chu Election Commission of India kutke pawimawh tak an nih avangin inthlanna hlawhtling tak neihna tura an pawimawhzia hre reng turin a chah a, Election Model Code of Conduct leh inthlan kaihhnawiha dan awm hrang hrangte hre chiang turin a chah bawk.

He training ah hian District  chhung  khaw hrang hrang a Vote thlakna  hmun tur (Polling Stations)  hmunhma te, route map an buatsaih te, voter te tan a panna  remchang  anih leh nihloh te, harsatna   thleng/awm  palh thei lakah a him leh him loh te bakah khaw thenkhat inkalpawhna kawng (approach road)  dinhmun  te sawiho  niin Sector Officer te hian an huam chhung  theuh a  “Vulnerability  Mapping” an tih dan tur te thlir hova sawiho a ni.

Champhai District chhunga  Assembly Constituency pathum a  duty tur Sector Officer - 13 ruat an ni a. Polling Station 84 a awm anga, Vawiina training ah hian  Pi Lalhruaitluangi, SO/SLMT ni bawk chuan   Model Code of Conduct(MCC)  hnuaia  dan leh thupek  hrang hrangte hrilhfiahna  neiin ,Sector Officer te  mawhphurha(duty)  leh an  chanvo te hrilhriat tharna a nei a ni.

Sector Officer te tana training na hunah hian Pu M Misael,Dy. DEO/ Addl.DC, Champhai chuan Magistrate training tura kalkhawmte chu an duty na huamchhunga Polling Party tinte enkawl dan ah te , inthlanna hmanrua EVM leh VVPAT a harsatna awm thei hrang hrangte chinfel dan tur leh report danah te fimkhur leh uluk taka an ngaihtuahna hmang turin a chah a, Election felfai tak neih anih theih nan leh mitin in zangkhai taka vote an thlak theihna tura thawk ho turin a sawm bawk a, Pu Lalmalsawma Hnamte, Addl.SP, Champhai hnen atang inthlanna a venhimna chungchanga pawimawh hrang hrangte ngaihthlak a ni bawk a ni.