Vawiin khan DAY-NULM, UD&PA Champhai bultumin khawlaia chawhmeh leh nepnawi zuartute pualin I&PR Auditorium CHANEM Building-ah training buatsaih a ni a. Training hi Under Support to Street Vendors (SUSV), DAY-NULM kaltlanga buatsaih a ni.

He hun hi Pu K.Lalhmuakliana, DUDO Champhai chuan kaihruaiin Street Vendor training chhim tura kalkhawmte lawmna thu sawiin training tha tak leh hlawkthlak tak nei turin duhsakna a hlan a. Pu Jimmy Laltlanmawia, Director, Social Justice & Development India (SJ&DI) hnen atangin DAY-NLUM inkaihhruai dan leh ‘The Mizoram Street Vendors (Protection of Livelihood and Regulation of Street Vending)  Act, 2017 & Repeal Act 2017’ chungchangah zirtirna ngaihthlak a ni a. Heng bakah hian eitur thianghlim zawka zawrh dan leh hmanraw thianghlim hmanga eitur leh chawhmeh zawrhte sawngbawl dan te leh bawlhhlawh paih dan bakah a bawmtu rannung um bo dante thlenga zir tel  a ni.

Zirtirna pek zawh hian sawihona leh zawhna leh chhanna hun buatsaih nghal a ni a, Street Vendors-ten an hlawkpui hle a ni.