Nimin leh vawiin khan Kolasib District election team te chuan District election Officer Dr.Arun.T, IAS kaihhruaina hnuaiah Kolasib District huam chhunga Polling Station hrang hrangte an tlawh kual.

Polling Station tlawh kualna ah hian Election Commission of India in a India khua leh tui te tan remchang leh awlsam zawka vote thlak theihna (Accessible election) kawng hrang hrang a phut te endik a ni a, Heng kea kal lama harsatna tawk te tana wheelchair nawr kalna tur (ramp) a awm leh awm loh te, Polling booth a kawlphetha a awm leh awm loh te, tui supply a awm leh awmloh te, inthiarna hmun a awm leh awmloh te enfiah an ni a, endik tawh chin ah chuan Polling Station turte chu siam rem ngai lai tlem te ti loh chu ECI phut ang an zawm deuh vek a ni. Hemi bakah hian boruak muanawm , thianghlim leh felfai tak hnuaia inthlanna neih anih theih nan tan la theuh tura inhrilhriatna hun pawh hman niin, harsatna awm te chu District Election Branch ah hrilh hre zel turin DEO chuan a chah bawk a ni.

DEO leh Kolasib A/C RO ni bawk Dr.Arun.T hian a bial chhunga khaw hrang hrang heng Pangbalkawn, Meidum, South Chhimluang, Bairabi bakah Kolasib khaw chhunga Polling Station hrang hrang te a tlawh a. Hemi bakah hian Tuirial A/C RO Pu Laltanpuia Hnamte leh Serlui A/C RO Pu Remliana te pawhin an bial chhunga p/s hrang hrang an tlawh kual mek a ni.

P/s tlawh kualna ah hian ARO bakah PWD,PHE,P&E leh DRDA hotute an tel a ni.