Vawiin chawhma khan Govt Champhai College Multipurpose Hall-ah Vigilance Awareness Week 2019 pualin hun hman a ni a. Vigilance Awareness  Week 2019 hi Champhai Bawrhsap  Pu Alexander V Chongthu,  chuan a hawng a ni.

Pu Alexander V Chawngthu chuan kan ram atanga eirukna umbo tur chuan eirukna do kawngah a chhunga cheng te hi kan tanrual a, kan zavaia kan do a ngai ani, a ti a.  Ram kan vei a nih chuan kan tihtheih kawng theuhah theihtawp kan chhuah theuh a tul a ni, tiin he Vigiliance Awareness Week 2019 hi a hawng a ni.

District Bawrhsapin hawnna hun a hmanzawh hian Pu J. Lalmuankima, Addl. SP, ACB, Vigilance Department chuan Vigiliance Awareness Campaign nei chhunzawm nghalin Vigiliance Awareness 2019 ah hian 'Rinawmna leh Dikna nitin nunah'  tih chu thupuiah hman a nih thu a sawi a.Vigilance Awarenes Week chu  India rama State zawng zawngah neih thin a nih thu tarlangin,  Eirukna hluar chhan chu  a thlen chhan chu rinawmna leh dikna neih tawk loh vang nia a lan thu a sawi a, nasa takin eirukna hian kan rama bu a khuar tawh a ni, a ti. Deputy SP chinin eirukna hi an chhui thei a, Aizawl pan kher ngai lovin Champhai Police atang pawhin a chhui theih thu a sawi a. Resource person chuan  rinawmna hi kan ram hruaitu leh an hruai mipuite'n kan neih tlat chuan ram nuam zawk kan siam ang a, kan ramin hma a sawn bawk ang a,  chumi ni tura mitinin kan tih tur theuh kan tih a tul a ni, a ti bawk.

Dr. Manesia Khaimeichho, MCS, SDC, Champhai kaihhruaina in eirukna do tur leh eiruknaa inhnamhnawih lo turin intiamna an nei chhunzawm a. Pu Francis Lalnuntluanga Ralte Addl SP Champhai chuan lawmthu sawiin hun a khar a ni. Vawiin Vigilance Awareness Week 2019  lhawnna hunah hian sawrkar department hrang hrang hotute an tel a ni.