Mizoram sawrkar chuan Sardar Vallabhai Patel-a piancham ni 31.10.2019 hian a lawm dawn a. He ni hi kumtina lawm thin, Rashtriya Ekta Diwas (National Unity Day) tia a hming hi vuah a ni a. India ram pumah kumtin lawm thin a ni.

October ni 31 zing dar 7:00-ah Unity Run, school naupang ten an nei dawn a, Sikulpuikawn atangin naupang 250 te Lammual panin an tlan anga, hemi rual vek hian school naupang dang 250 te Chanmari kawn atangin Lammual panin an tlan ang.

Zing dar 7:45-ah Lammual-ah thutiam lakna Chief Secretary kaihhruainain neih a ni ang a, hetah hian Chief Minister chu khuallian tura sawm a ni.