4087/2023-2024

Champhai, the 8th March, 2024: Local Adminsitrarion Department, Champhai District buatsaihin nimin leh vawiin khan Champhai leh Khawzawl District huamchhunga Village Council member-te tan training buatsaih a ni.

He hun hmanpuitu District Local Administration Officer (DLAO) Pu Moses Lalfakawma Tlau chuan VC-te chu khawtlang hmasawnna ngaihtuahtu pawimawh tak an nih angin tunah hian an tha tichak lehzual turin LAD chuan hmalakna a kalpui mek tih a sawi a. VC te chu khawtlang hmasawnna ngaihtuahtu an nih angin an hna thlante uluk lehzual turin a fuih a. Vantlang mamawh tak leh Sustainable Development Goals thil tum tihlawhtling ngei thei tur thlang thiam turin a chah a. VC te chu mahni intodelh tuma hma la tura chahin, hnathawh tur an duanin sum dehchhuah theihna tur thil leh own source revenue nei tura hna thlang uluk turin a chah a, hemi kawngah hian mithiam zawkte rawn tam turin a chah bawk.

Training-ah hian Pi Lalenkawli, District Programme Manager, Champhai District leh Pi Runremsangi, District Programme Manager, Khawzawl District te'n 15th Finance Commission leh RGSA hnuaia hmathatna hrang hrang awmte an sawifiah a. VC te chu inthlahdah hman an nih loh thute, vantlang tana nu leh pa chanchang an nih angin RGSA hnuaia hmalakna tur thupui thlan hrang hrangte pawh an khaw mila duang turin an chah a. VC Secretary tha leh fel thlan a pawimawhzia te, tunlai khawvel hmasawn zelah technology lama intuaithar a pawimawh thute an tarlang bawk a. Geo-tagging tih dan leh mAction soft hman dante an zirtir nghal bawk.

He hunah hian DLAO Champhai Staff Pu Vanlalhruaia’n account bu felfai taka vawn dan leh VC dan bu chungchang a zirtir bawk a. Zawhna leh chhanna hun hman zui niin hun hlawkthlak tak hman a ni.