568/2024-2025

Champhai, the 27th May, 2024: Lok Sabha Inthlanpui 2024 a vote tlate chhiar tura inpuahchahna Champhai District-a kalpui mek zelah vawiin chawhma dar 11:00 khan Assistant Returning Officer (ARO) Pu James Lalrinchhana, District Election Officer ni bawk kaihhruaiin NIC Conference Hall, DC Office, Keifangtlangah vote chhiar tura ruat Counting Official-te khawl hmanga thliar fel tum khatna 'First Randomization of Counting Officials' neih a ni.

First Randomization of Counting Officials kaltlang hian Computer hmangin Counting Supervisor 30, Counting Assistant 30 leh Counting Micro Observer 32 te chu Counting Table pakhat zela duty turin team anga siamrem an ni a, heng zingah hian Assembly Segment tin tan Reserve Counting Team 2, avaiin Reserve Counting Team 6 an awm tel bawk a. Counting Table pakatah hian Counting Supervisor, Counting Assistant leh Counting Micro Observer pakhat zel an awm dawn a ni.

Randomization zawhfel hnu hian DC Office-a Counting Hall 3 buatsaih mekte enfiah a ni a. Counting Hall chhung buatsaih dan bakah hian Counting Hall luh leh chhuahnate, Media Centre, Security leh pawimawh dangte enfiah nghal a ni bawk.

June ni 4, 2024 hian Lok Sabha Inthlanpui 2024 a vote tlate chhiar a ni dawn a. Champhai District chhunga Assembly Segment (AS) 3, 23-Champhai North, 24-Champhai South leh 25-East Tuipui AS a vote tlate chu Counting Hall  hran theuhah chhiar tur niin, Counting Hall tinah hian Counting Table 8 bakah VVPAT Counting Booth (VCB) 1 zel ruahman a ni a; avaiin Counting Table 24 leh VVPAT Counting Booth 3 ruahman niin vote tlate hi round 4 a chhiar zawhfel tum a ni.