3323/2023-2024

Champhai the 12^th January, 2024 - Vawiin khan District Education Office, Champhai chuan Mizoram Polution Control Board bultumin Champhai Town chhunga thlan bik Eco-Club dinna school 10 atanga zirlai thlan chhuah 50 te tan Education Training Hall ah Mission LiFE programme hnuaia bawlhhlawh tawih thei atanga leitha siam (waste Composting Workshop) an buatsaih .

He hun hmanpuitu Pu C. Lalbiakzauva, DEO chuan Mission LiFE Programme chungchang a sawi a.  Environment chhe mek venghim turin mi tinin kan khawsak phung  tha lote kan thlak a ngai a, environment tichhe thei hmanrua kan bansan a ngai a. Pathianin min pek leilung malsawmna zar kan lo zo tawh a, venghimtu leh siam thatu kan nih ve thung a ngai tawh a ti.

Pi Lalzarzovi, Asst. District Agriculture Officer, Champhai chuan environment chhe mek siamtha turin zirlaite an pawimawh a. Chhuan thar lo awm zel turte chenna tlak khawvel tha zawk din chu thangtharte mawhphurhna a ni a ti.

Pu Vanlalthafamkima, Champhai Vengthlang in bawlhhlawh tawihral thei leithaa chantir dan zirtirin, bawlhhlawh tihtlem hi environment humhalhna atan pawimawh tak pakhat a ni tiin tangkai zawka hman theihte chu hman nawn dank an zir zel a tul a ti a.  Chhung tinin kan tih theih hmun zim têa bawlhhlawh sawngbawl dan a lo kalpui mekte a hmunah enin Practical Training an nei nghal.

Vawiin ni 12.1.24 Zirtawp vek khan Bethel High School Eco Club te chuan District Education Office, Champhai kaihhruaiin Keilungliah Tuikhuah kam vela bawlhhlawhte chharin an tifai a. Office staff leh zirtirtuten zirlaite hi an ho a ni.