3324/2023-2024

2024 Pawlkut thla ni 12: Vawiin chawhnu khan Special Summary Revision of Electoral Rolls, 2024 kalpui mek chungchangah Kolasib I&PR Conference Hall-ah Kolasib District chhunga assembly bial pathuma Booth Level Officer (BLO)-te tan thil pawimawh hrang hrang inzirtirna training buatsaih a ni.

District Level Master Trainer Pi F. Lalnisai, Block Development Officer, Thingdawl chuan training hi pein, electoral roll-a hming paih, hming thlak, siam ṭhat leh awmna hmun sawn dan te, EPIC bo leh chhiat avanga a thar dil theih dan te, Form hrang hrang hman dan leh BLO-te tana mobile application leh portal hman dan bakah, BLO-te tana hriat tur pawimawh hrang hrang a zirtir a. Zawhna leh chhanna leh sawi hona hun hman a ni bawk.

Vawiin training-ah hian Kolasib District chhunga assembly bial pathum - 4-Tuirial, 5-Kolasib leh 6-Serlui Assembly Constituency huam chhunga Booth Level Officer 89 an tel a ni.