Aizawl Traffic SP chuan Ni 5.8.2019 ( Thawhtan) atanga Chanmari West Kawipui atanga Vaivakawn ( Hunthar Junction) in kar kawngpui siam hna thawh a nih chhung chu a hnuaia mi ang hian lirthei tlan khapna thupek a chhuah.

PWD, Aizawl Road North Division ten Ni 5.8.2019 ( Thawhtan) atang hian Chanmari West Kawipui atanga Vaivakawn ( Hunthar Junction) in kar kawngpui an siam dawn avangin Zing dar 10:00 AM atanga Tlai Dar 4:00 PM chhung chu he lai kawngah hian lirthei eng chi mah tlan phal a nilo. He thupek hian helai kawng siam zawh anih hma chu a huam ang.

He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo ang.