Mizoram Larsap Lt. Gen (Rtd.) M.M. Lakhera, PVSM, AVSM, VSM chuan Chapchar Kut 2009 thuchah siamin, Mizoram sorkar leh ama mimal pualin Mizo mipuite chungah a duhsakna a hlan a. Nikumah Mautam avanga Kut hman anih tak loh thu sawiin kuminah Mizoram sorkar leh Central YMA tangkawp in ropui taka a buatsaih chu a lawm thu a sawi a ni. Larsap chuan Science leh Technology thiamna chak taka thang mek chuan thangtharte nun nasa takin a khawih danglam a, mahse hengte hian Mizo nihnate chu khawih lovin hnam ro thil leh pipu chena tih dan phung thate chu a phochhuak zawk a ni, a ti a. Chapchar Kut chu hlimna hun mitinte midangte chunga duhsakna an lantir hun anih ang ngeiin chu thinlung chu pu chunga mahni inphatna te, hnam tana nun hlan huamna te leh tlawmngaihna ze mawi tuai thar leh turin Mizo mipuite a sawm a, Kut hian remna, hmangaihna leh in unauna thlen thar se a duh thu Larsap chuan a sawi a ni.
CHAPCHAR KUT 2009 ATANA MIZORAM LARSAP THUCHAH
Thiante u,
Chapchar Kut 2009 hun lawmawm takah hian Mizoram sorkar aiawh leh keima pualin Mizoram mipuite chungah ka duhsakna ka hlan a. Kan hriat theuh angin nikumah khan Mautam Tam avangin Chapchar Kut kan hmang ta lo kha a ni a, kuminah erawh chuan Mizoram sorkar leh Central Young Mizo Association tangkawpin ropui taka an huaihawt hi a lawmawm tak zet a ni.
Khawvel-ah Science leh Technology thiamna namen lova a than lai hian thangtharte nunzia nasa taka sawi danglamin kawng tam takah remchan zawkna leh awlsamna a thlen mek lai hian Mizo nihphung erawh khawih lovin hnam ro leh thil leh pipu chena nunze mawite chu a phochhuak zawk a ni.
Kumina Chapchar Kut kan hman hian mitinte hnenah remna, hmangaihna leh in unauna thlen se ka duh a. Hnam lam leh rimawi kan phochhuahte hian kan nihna ze ril mahni inphatna te, ram tana inpekna leh tlawmngaihna thangthar nunah tuh thar se.
Chapchar Kut chu hmasang atangin hlimna hun a lo ni thin a, mitinten kawng tinrengin midangte chungah thatna an lantir thin hun a nih hre reng chungin chung Kut in a a ken telte chu thinlunga vawng thar leh turin i in hlan theuh ang u.
Kumina Chapchar Kut hmangtute zawng zawng duhsakna ka hlan nawn leh e.
Ka lawm e
Thiante u,
Chapchar Kut 2009 hun lawmawm takah hian Mizoram sorkar aiawh leh keima pualin Mizoram mipuite chungah ka duhsakna ka hlan a. Kan hriat theuh angin nikumah khan Mautam Tam avangin Chapchar Kut kan hmang ta lo kha a ni a, kuminah erawh chuan Mizoram sorkar leh Central Young Mizo Association tangkawpin ropui taka an huaihawt hi a lawmawm tak zet a ni.
Khawvel-ah Science leh Technology thiamna namen lova a than lai hian thangtharte nunzia nasa taka sawi danglamin kawng tam takah remchan zawkna leh awlsamna a thlen mek lai hian Mizo nihphung erawh khawih lovin hnam ro leh thil leh pipu chena nunze mawite chu a phochhuak zawk a ni.
Kumina Chapchar Kut kan hman hian mitinte hnenah remna, hmangaihna leh in unauna thlen se ka duh a. Hnam lam leh rimawi kan phochhuahte hian kan nihna ze ril mahni inphatna te, ram tana inpekna leh tlawmngaihna thangthar nunah tuh thar se.
Chapchar Kut chu hmasang atangin hlimna hun a lo ni thin a, mitinten kawng tinrengin midangte chungah thatna an lantir thin hun a nih hre reng chungin chung Kut in a a ken telte chu thinlunga vawng thar leh turin i in hlan theuh ang u.
Kumina Chapchar Kut hmangtute zawng zawng duhsakna ka hlan nawn leh e.
Ka lawm e
