Vawiin chawhnu dar 1 khan Kum 2012 Chapchar Kut tur chungchang, an Chairman leh Art & Culture Minister nibawk Pu P.C. Zoram Sangliana hovin Kut Committee te chuan an rel.

Chapchar Kut 2012 chu A.R. Ground ah 2.3.2012 ah hman ni leh se, sum awm dan a zirin 3.3.2012 nen ni 2 chhung hman nise an ti. Heng ni ah hian department thenkhat Exhibition leh thil dang ti thin ten he hun hi hmang tangkai ve nghal turin an sum neih atanga Exhibition leh thil dangte rawn telh ve se an duh thu Committee chuan an rel bawk. Uluk leh chiang zawka sawi hona nei turin 6 January, 2012 hian meeting neih leh nise an ti.

Guiness Book of World Record chhuak thar ah chuan Mizoram chu Cheraw kan bu tam ber nih a hauh tak angin tarlan anih tur thu Minister hi hriattir anih tawh bakah Commonwealth Games hawnna ah Mizo incheina hmanga Indian Team-te hmahruai kal tir a ni leh cheraw ropui taka kan anih theih avangin Minister Pu Zoram Sangliana chuan lawmthu sawiin, tun Chapchar Kut 2012 hmanna tur pawh uluk tak leh Mizo hmelmawi a tam thei ang ber khawvel hmuhah pholan nise tih a sawi bawk.