Vawiin khan Kolasib khaw chhunga Home hrang hrang leh Civil Hospital ah te Chief Minister Pu Lal Thanhawla’n ama discreationary fund atanga Krismas chibai bukna atana a pek pawisa hlan a ni.

Home leh Damdawiin ah te hian Kolasib District Addl. DC Pu Zairemmawia hovin Pu V. Laldinsanga, SDC leh Pi Lallianpuii, DIPRO ten Chief Minister thilpek te hi an hlan a. Krismas leh kumthar him leh tluang taka an hman theihna tura duhsakna hlan chungin hmun 7 ah pawisa fai Rs. 2,000/- leh hmun pahnih ah Rs. 1,000/- te in an hlan a ni.

Chief Minister thilpek te hi Thutak Nunpuitu Team Khuangpuilam, Audrene Scism Children Home, Khuangpuilam, Davida Home, Khuangpuilam, Blind School leh Enna In, Vengthar, Missionaries of Charity, Civil Hospital, District Jail leh Gosen Special School te an ni.