Vawiin khan Mamit GSA Playground-ah Chapchar Kut 2012 chu urhsun leh uar takin hman a ni a, Kutpa Pu Rodney L. Ralte, IAS District Bawrhsap chuan kut hawngin thuchah a sawi.

Kutpa chuan mizote kut zawnga ropui ber Chapchar Kut kan hmang thei hi a ropuiin kut hmangtute kut chibai a buk a, He Chapchar Kut hi mizo hnam ze mawi, tlawmngaihna, Rinawmna leh Dikna kan hnamin a neih kan chhawm nunna ni, ni thei se a duh thu tarlangin kan hnam Culture vawnhimna kawnga rilru thar min petu ni se a duh thu a sawi. Kutpa chuan hnam kalphung, culture humhalhna chang hre lo te chu hnam boral an nih thu sawiin hnam anga kan than chhoh zel na tur chuan hnam culture humhalhna chang kan hriat deuh deuh a ngai a ni tiin vawiin ni chapchar Kut kan hmanna-ah pawh hian hlim tak leh lungrual takin kan hmang tur a ni a ti a. Kutpa chuan tunlai thiamna sang tak mil zela hnam zia chawi sanga thian chhan thih ngam kan nihna hrerenga mite tan a malsawmna ni zel turin kut hmangtu thalai zawng zawngte a sawm bawk a ni.

He chapchar Kut 2012-ah hian Mamit Cultural Organisation Sub Hqrs te leh Sikul naupangte hnam lam chi hrang hrang Sarlam kai, Cheraw kan te entir in Zawlnuam Vengpui Cultural Club leh Reiek cultural Club te pawhin hnam lam chi hrang hrang mawi takin an entir bawk a ni. Hei bakah hian MHIP Sub Hqrs Mamit ten Costume Parade entirin MUP Sub Hqrs te pawhin mizawn inchuh an entir a, Malzai mawi tak tak ngaihthlak a ni bawk a ni.

Chapchar Kut ah hian MCO Hqrs leh MUP Sub Hqrs te kaihhruaina in mipui chai neih a ni bawk.

Chapchar Kut 2012 hmanna hi Pu Zatluanga Sailo, President Sub Hqrs YMA-in a kaihruai a ni.