Tahrik Ni 1 march 2013 a chapchar kut lawm dan tur ngaihtuahin vawiin chawhma dar 11:00 khan Dc’s Confernce Room Saiha ah meeting neih a ni.

He meeting hi Pu N.Chukhal Addl.DC leh Project Director DRDA ni bawk chuan a kaihruaia, kumin chapchar kut lo awm tur chu uar leh hlim taka hman nise tih meeting chuan a rel a, kut programme kaihruai turin Pu B. Lalchhawntluanga S.D.O.(S) ruat niin kut pa atan Pu Hiphei, Chairman, MADC leh Ex M.P. ni bawk chu sawm nise tih rel a ni bawk. Kut hawnna Hlado chham turin Pu C. Sangmanga ruat a ni a, Kut hawnna Hla sa turin M.Y.A New Saiha te beisei an ni. He kut ni hian saiha khawpui chhunga Primary School hrang hrang te tawnte entir tura beisei an ni a, Zaithiam tak tak te pawh zaia mipui awi turin sawm tum a ni. Hnam incheina entir turin MTP, YLA leh YMA te sawm tum an ni. Hnam incheina entir turin MCHIP, MHIP leh LWA te pawh sawm an ni.Hemi ni hian chai leh chheih lam hmuhnawm tak te pawh entir tum a ni bawk. He Chapchar kut hi hlawhtlingtaka lawm anih theih nana inbuatsaihna hrang hrang te buaipuitu tur Sub Committee Pu B.Lalchhawntluanga , SDO (S) Saiha kaihhruaina hnuaia din niin hlawhtling taka Chapchar Lut lawm anih theih nan an ni hian hma an la dawn a ni. Saiha District chhunga department hrang hrang te pawh Chapchar Kut hlawhtling taka lawm anih theih nan an theih ang tawkin pawisa thawh theuh tura ngen an ni.

He meeting ah hian Department hrang hrang hotute,Tlawmngai pawl hrang hruaitute leh Chanchinbu mite an tel tha hle a ni.