Vawiin Vauthla ni 7 hian Mamit GSA khelmualah Mizo kut ropui tak Chapchar Kut ropui tak leh nuam takin hman a ni a.

He Chapchar Kut-ah hian Pu R.S Lalzamliana District Bawrhsap chu KUT PA a ni. Thuchah sawiin Kut Pa chuan Kut hmangtu zawng zawngte chu kut chibai bukin he kut hi mizote kut ropui tak anih avangin hlim taka lawm turin duhsakna a hlan a, He kut kan hmanna hian Inremna leh zofate tan inpumkhatna thlen ngei se, a duh thusawiin tlawmngaihna, thianchhan thih ngam kan nihna nun kan put zel theihna tura min fuih thartu a nih ngei a duh thu a sawi a ni.

He Chapchar Kut ah hian Hnam lam chi hrang hrang, Cheraw, Sarlam kai, Chai, Chheih Lam, Chawnglaizawn leh Joint MHIP ten Costume Parade an entir a ni.

Chawhma lamah zai hnam lam chi hrang hrang entir a nih hnu in chawhnu lamah zaithiam hrang hrangte zai ngaihthlak a ni a, chhawng hnawhna neih nghal a ni bawk.

Chapchar Kut 2014 Mamit-a hmanna-ah hian Chapchar Kut miss-ah Lalduhsaki Hmarveng Branch YMA chu thlan a ni.