Mizo kut zinga ropui ber leh kan ngaihhlut ber Chapchar kut a lo thlen hian Mizoram chhung leh khawvel hmun hrang hranga Zofate zawng zawng lawmpuina chibai ka buk che buk a che u. A lawmna hmun hrang hranga hmanna leh a hmangtute pawh duhsakna ka hlan a, Mizo hnam inpumkhat nan leh India ram pumpui inpumkhat nana thinlung hlan thar leh turin Chapchar Kut neitu, Mizo mipui te ka sawm a che u.
Chapchar Kut hi Mizo ten hun rei tak ata tawh hlim leh lawm taka kan lo hman thin bakah inremna ni ah kan hmang thin tih thangthar ten hre thar leh se ka duh a. He ni hi lawmna leh inremna ni a nih ang
Mizoram a cheng mipui te chuan inremna ni ah hmang ila. Remna leh muanna duhtu Mizo te hian India ram venhimna bakah ramchhung a lo ralmuan zawk nan theih tawp i chhuah zel ang u khai.
Chapchar Kut ah hian kan pi leh pu te khan an thenawm khawngtual mite nena inremlohna te siamtha in mimal anga inhuatna an lo neih pawh in inngaihdamna ni ah hmangin nupa tuak inthen te hial pawh inhohna ni ah hman tangkai ni in hlim leh lawm takin an lo kut ho thin tih i hre thar leh ang u. Chuvang chuan Chapchar Kut hi Mizo te tan a hlu a, thangthar te pawh in Kut phen a Mizo nunmawii inzirtirna pawimawh tak tak te hi hriat tum ula, Chapchar Kut in a ken tel boruak tha, inremna leh hnam inpumkhatna phei hi chu theihnghilh hauh lo turin ka duh a che u.
Mizoram ka awm chhungin Chapchar Kut ka vawikhat hmanna tur a ni a, amaherawh chu hna pawimawh tak ka lo neih lawk avangin in zingah ka tel ve hman ta lo erawh chu pawi ka ti hle a ni.
Chapchar Kut hi kan tan ni pawimawh em em mai leh kan hnamzia pholanna hun atana remchang tak a ni a. Chapchar Kut kan hman leh hunah phei chuan tun aia tam kan kut chhim tur hian hnamdang te sawm ila a hlawk thlak hle in ka ring.Midang rual a hmasawn zel kan duh si chuan kan hnamzia leh rohlu te vawngnung tlat tho siin kan in hawn zauh telh telh erawh a ngaithung a ni tih kan zavaiin i hre thar leh ang u khai. Mizo nunmawi vawng nung zel ila Chapchar Kut pawh Mizo hnam a awm chhung chu vul zel rawh se.
Ka Lawm e.
Jai Mizoram!
Jai Hind!
