Nimin Chawhnu dar 1:00 khan Mamit District Chapchar Kut 2016 Organising Committee Chairman Pu H. Lianzela hovin D.C Conference Hall ah Chapchar Kut 2016 hman dan thlir letna hun neih a ni a. Mamit District Chapchar Kut Miss 2016 Top- 3 te chu sawm tel an ni bawk.

Meeting-ah hian Organising Committee Chairman Pu H. Lianzela chuan Mizo te Kutpui ber Chapchar Kut kan hman zawh taka Committee member te leh Sawrkar Department hrang hrang te leh Kut hlawhtlin na tura chanvo neitute zawng zawng hnenah lawmthu a sawi a, Chapchar Kut Organising Committee ten tum thum an lo kalpui tawh Miss Chapchar Kut 2016 te chu an nun uluk lehzuala, Mizo nun zemawi, tlawmngaihna, Chhiatni thatni a, Mizo nule tena kan tihtur kawng hrang hrang ah te in hmang uar deuh deuh turin a chah bawk .Chapchar Kut kan hman zawh tak thlirletna kawng hrang hrangin neih zui nghal a ni a, Chapchar Kut 2016 kan hman dan chu Committee chuan tha a ti tlang hle a, hetih rual hian kum kal leh zel tura Chapchar Kut kan hman lehna tura rawtna tha zawk hrang hrang te siam a ni bawk.

Tarlan tawh ang hi Chapchar Kut 2016 hi Mamit ah ropui taka hman a ni a, Pu. Lalmalsawma Chief Secretary, Govt of Mizoram chuan KUT PA niin he hun hi a hmanpui a ni.

Meeting-ah hian Committee members te an tel tha hle a ni.