Vawiin chawhma khan Lunglei DC Conference Hall-ah Lunglei DC Pu K. Lalrohlua kaihhruaiin Chapchar Kut 2017 hman dan tur an rel.

Chapchar Kut March ni 3, 2017-a lawm nan hian Lunglei District tan sawrkarin cheng nuai 3 a ruahman tih tarlan a ni a. Kum danga tih thin angin Thuamluaia Mualah hman leh nise tiin rel a ni a, Kut Pa atan Lunglei HPC Vice Chairman Pu S. Laldingliana sawm nise tiin an rel bawk.

Meeting-ah hian SDO (S) Pi Saizikpuii leh YMA Sub-Hqrs President Pu R. Lalnunthara te chu Chapchar Kut lawmna Organising Committee Chairman leh Co-Chairman atan ruat an ni a. February ni 17, 2017 hian Organising Committee memberte thukhawm tura ruahman a ni bawk.