No.7649/2020-2021
Chapchar Kut kan hman thin chu Organising Committee chuan ngun taka angaihtuah hnuin Chapchar Kut pualin sum sanction a awm loh avang leh Covid-19 hri leng avangin Lunglei District-a lawmna pui ber Lungleia hman thin chu, kumin 2021 hian hman loh mai ni se tiin a rel a. Lunglei mipuite kan inhriattir e. Chutih rual chuan heng a hnuaia kan tarlante hi mipuiten kan tihhlawhtlin theih chuan a lawmawm hle ang.
1. Kan hnam nun ze mawi a lo par chhuah deuh deuh theih nan Ni 3-5 March 2021 chhung hian kan thenawm khawvengte hmuh theih turin tlawmngaihna, rinawmna, taimakna, aia upa zah leh tanpui ngaite tanpui thintu kan nihna kan nunah a lan chhuah theuh theih nana theih tawp chhuah turin kan inngen e.
2. Mizo nun zia rang, kan silhfenah a lan theih nan Ni 3-5 March 2021 chhung hian Pisa kaina, dawr nghahna leh khawi ilo kan vah chhuahna hmunah, Mizo thuam kan neih anga inthuam turin kan inngen e.
3. Kut ni Ni 5 March 2021 (Zirtawpni) hlim taka hmang turin duhsakna kan inhlan a. Kut sa ei theuh turin kan inngen e. Kut sa nei lote leh chhuanchham mai turte peizawn dan, he ni pual hian kan ngaihtuah theih chuan kan lawm hle ang.
