3978/2023-2024

Mamit 27th February, 2024 : Vawiin khan Chapchar Kut 2024 Celebration Sub-Committee chu an Chairman Pu V. Laldinsanga, Addl DC hovin a office chamber-ah Kut hmanna tura inbuatsaihna hrang hrangte thlirho-a thutkhawm a ni.

Vawiin Meeting-ah hian March Ni 1 Zirtawpni a Mangkhawngdai Field-a Chapchar Kut lawmna tura inbuatsaihna hrang hrangte, mawhphurhna leh chanvo nei tura inruat hrang hrangte thlirho niin, programme kimchang duan nghal a ni. Chapchar Kut hlim leh ropui taka lawm a nih theih nana hmabak la awm hrang hrangte sawiho zui a ni.

Chapchar Kut 2024 lawmna hunah hian Kut Nula leh Kut naupang mipa leh hmeichhia thlan a ni dawn a, hemi ni hian mizo hnam lam chi hrang hrang bakah Mizo ziarang lang thei tur Costume parade bakah zaithiam tak tak te'n hun an hmang ang. Kut hmanna hmunah hian Sub-Committee atanga phalna hmu te tan dawrte hawn a ni bawk ang.

Pu V. Laldinsanga, Chairman, Chapchar Kut 2024 Celebration Sub-Committee chuan Mizote kut neih zinga ropui leh ngaihhlut hlawh ber Chapchar Kut chu hlim leh lawm taka hman a nih theihnan mawhphurhna nei zawng zawngte chu tha taka an chanvo hlen vek tur leh hmabak la awmte tihlawhtling tura theihtawpchhuah turin kalkhawmte a sawm a ni.““Meeting-ah hian Sub-Committee members te an tel tha hle a ni.