3979/2023-2024

Aizawl, February ni 27, 2024: Vice President of India nupui Dr. Sudesh Dhankhar chuan nimin khan Department of Social Welfare, Tribal Affairs, Women & Child Development hnuaia enkawl State Senior Citizens' Home, Ainawn Veng, Aizawl a tlawh.

He hunah hian Dr. Sudesh Dhankhar chuan Home a awm mi 9 te hnenah thilpek a hlan a. State Seniors' Citizen Home hmunhnate tlawhin hmalaknate a enfiah a. Thawktute leh home a awmte nen inkawmhona hun tha tak a hmang bawk. Vice President of India nupuiin a tlawh leh an hnena hun a hmang hian khawngaihna, lainatna leh khawtlang huapa thawhho a tulzia a lantir a ni.

Dr. Sudesh Dhankhar hi Dr. Lalhriatzuali Ralte, IAS, Director of Social Welfare & Tribal Affairs chuan lo dawngsawngin Department aiawhin thu a sawi a. He hunah hian duhsakna thilpek hlan niin, thiamthil leh hnam ziarang thilte entir hmangin hun hlimawm tak hmanho a ni.

He hunah hian Ainawn Veng Local Council Member-te pawh an tel a ni.