3980/2023-2024

LUNGLEI; the 27th, February, 2024: Vawiin chawhma khan Pu K. Lalrinawma, Vice Chairman, Lunglei Municipal Council kaihhruaina in ama office chamber ah LMC huamchhunga Parking Area chungchang ngaihtuahin meeting neih a ni.

Pu K. Lalrinawma chuan Mizoram Municipal Act 2007 hnuaia Lunglei Municipal Council Area chhunga hna thawh theihna turin Draft Regulation leh By Laws 6 (paruk) November 2023 khan duan a ni a. Chung zinga mi The Lunglei Municipal Council (Control of Parking and Collection of Parking Fees Regulation) chu Cabinet pawmpui tura thawn niin pawmpui a nih thuai a beisei a ni. LMC Area a lirthei chetvel felfai tak leh mipui te tana chhenfakawm tak parking zone leh No parking zone hmanlai mek te siam that dan tur ngaihtuah a ngaih thu a sawi a, Department kaihhnawih te nena thawhhona tha tak nen enho a ngaih thu a sawi bawk.

Vawiin meeting ah hian LMC Area chhunga Ward No.2, Ward No. 3, Ward No. 4, Ward No. 7 leh Ward No. 8 ah hian Block 47 Parking Area siam niin Parking Fee hi Block 14 ah khawn mek a nih thu tarlan a ni. Meeting chuan Control of Parking and Collection of Parking Fees Regulation Cabinet in pawmpui hunah LMC Area chhunga Traffic mumal taka kalpui a nih theih nan Parking Zone leh No Parking Zone te enfiah that nise, Parking fee Receipt pek te, Overnight Parking chungchang te, Signage dah te, Road Marking te, Garage neih te sawiho bakah Sumo Stand leh Truck Hub neih theih dan tur te ngaihtuah ho a ni.

Meeting ah hian Pu Donny Lalruatsanga, CEO, LMC, Addl. SP, DTO, Traffic i/c, Sub Hqrs YMA leh MJA bakah LMC Ward  No. 4 leh Ward No. 8 Councillor te an tel a ni.