3977/2023-2024

Aizawl the 27th February, 2024 : Pu Malsawmzuala Ralte, chairman MYC chuan vawiin khan MZU Incubation centre-ah, '5 day non residential faculty development programme on entrepreneurship' a hawng.

He training hi MZU leh college zirtirtute tana buatsaih a ni a, anni hian an zirlaite hnenah training an pe chhawng ve leh dawn a ni. Pu Malsawmzuala Ralte chuan tunlai khawvelah sorkar hna thawk tura tling theite chu mi taima fal, tumruh fal leh tei rei peih te an ni a, chutiang zinga tel lo zawng zawngte tana eizawnna leh mahni kea din theihna tur kawng, entrepreneurship kaltlanga dap pui chu thil tul tak a ni tih sawiin, trainee te chu an zirlaite tana chhenfakawm tak ni turin a chah a ni. He training-ah hian Prof. Laldinliana Varte, director, incubation, MZU chuan thu a sawi bawk.