3976/2023-2024

Dated Saitual the 27th February 2024: Vawiin khan Saitual DC Conference Hall-ah kan hma lawk a Lok Sabha MP General Election 2024 lo awm tura Sector Officer/Magistrate leh Sector Police officer ten Training an nei.

Vawiin a Sector Magistrate training ah hian District Election Officer, Dr. Lalngura Tlau chuan kan hma lawka Lok Sabha MP inthlan lo awm tura Magistrate training tura kalkhawmte chu an duty na huamchhunga Polling Party tinte enkawl dan ah te , Report pek dan ah te, inthlanna hmanrua EVM leh VVPAT a harsatna awm thei hrang hrangte chinfel dan tur leh report dan ah te fimkhur leh uluk taka an ngaihtuahna hmang turin a chah a, Election felfai tak neih theih nan leh mitin in zangkhai taka vote an thlak theihna tura thawk ho turin a sawm a ni.

Election Commission-in inkaihhruaina a siam angin Assembly Segment pathum te chu sector 15 ah then a ni a, sector khat hi Sector Officer/Magistrate pakhat-in a vil anga magisterial power pek an la ni bawk ang. He training-ah hian Pu Lalthakima Chhangte, Election Officer, Saitual leh Addl SP Pu J Rokima, Nodal Officer Police Management in Sector magistrate hna tura tarlante chu zirtirna an pe a ni. Sector Magistrate kalkhawmte hian an hriatthiam loh laite, harsatna la awm palh thei thilte leh chung a lo thlen palh pawha chin fel thuai a nih theih dan turte zawtin an sawi ho a ni.

Sector Magistrate te hi tihtur pawimawh hrang hrang heng; inthlanna hmun hma buatsaih te, inthlan hmaa a vote thlak tu turte hrilh hriatte, inthlan ni a thlen dawn a en fel tur thilte, inthlan ni a an tih turte, inthlan zawh hnua an tih fel tur hrang hrangte siam sak an ni.

Saitual District Administration hnuaiah hian Assembly Segment pathum,  Chalfilh (ST) AS ,Tawi (ST) AS, 21 Lengteng (ST) AS awmin Voters 55789 (as per FSR 2024) an awm a ni.