4707/2025-2026

Khawzawl, dated 5th March 2026: Vawiin chawhnu dar 2:30 khan DC Conference Hall, Khawzawlah Chapchar Kut 2026 Khawzawl District a hman dan tur chungchang relin Chapchar Kut 2026 Organising Committee te an thukhawm a, Khawzawl Bawrhsap, Pu K. Vanlalthiana’n a kaihruai.

Meeting in a rel danin Chapchar Kut 2026 hi Khawzawl Field No. 1-ah chawhma dar 11:00 am atanga hman tan tura rel a ni a, Kut Pa atan Er. H. Ginzalala, Adviser to CM (Technical)/MLA-23 Champhai North (ST) A/C niin, Kut thlengtu atan Pu PC. Rosiama, President, Sub-Hqrs YMA a ni ang. Kumin Chapchar kut Thupui atan “Zonun zemawi inremna” a ni ang a, he hunah hian hnam lam leh hnam zia rang lanna hrang hrang YMA Branch hrang hrang atangin en tir a ni ang a, heng bakah hian items hrang hrang te a awm bawk dawn a ni. Chapchar Kut pual hian ni 12 leh 13 chhun leh zan hian Event ropui tak buatsaih a ni ang.

Bawrhsap, Pu K. Vanlalthiana chuan kum danga NGO hrang hrang ten hun pui lo thena thahnem ngai taka an lo thawh tawhnaah lawmawm a tih thu sawiin, Khawzawl District-in hma a sawn zel theih nan member te'n theihtawp chhuah zel turin a sawm a. Vawiin meeting a ro an rel fel thei chu lawmawm a tih thu sawiin, hlim taka Chapchat Kut hman a nih ngei theih a beisei thu a sawi.

He hunah hian Chapchar Kut 2026 Organising committee te bakah, Special invitee, Pi Zirsangpuii (Miss Mizoram 2020) te an tel a ni.