4708/2025-2026

Lawngtlai, the 5th, March, 2026 : Vawiin chawhma dar 11:00 AM khan Pu Donny Lalruatsanga, Lawngtlai Bawrhsap kaihhruaina in Mizoram Cleanliness Competition 2025 result review meeting leh Lawngtlai khawpui Faina leh Bawlhlawh paih dan chungchang thlir hona DC Conference Hall, Lawngtlai ah neih a ni.

Pu Donny Lalruatsanga chuan kalkhawmte hnenah lawmthu sawiin Mizoram Cleanliness Competion 2025 khawpui fai in elna atan Lawngtlai khawchhung ah pawh theih tawp chhuah a ni thu a sawi a.Chutih rualin Mizoram Cleanliness Competition,2025 result chhuak ah District 9 ah 8-na dinhmun kan hauh a, Lawngtlai hi faina kawngah kan tan zual a, thawhhona tha tak nen hmalak nasat a ngai a ni a ti. Kum kan hman mek ah pawh faina kawnga hmasawn zel tura thawk tur leh Lawngtlai District - a Mizoram Sawrkar department leh LADC sorkar chu thuneihna sangtak nei a nih vangin an ni nen tanho a pawimawh hle dawn a ni a ti.

He hun a tel LADC a Executive Member pahnih, LAD changtu Pu JB Vanhoy leh Sanitation & Waste Management enkawltu Pu Lalzahawma Chinzah te chuan Lawngtlai khawpui hmasawnna atan theihtawp chhuah an inhuam thu an sawi a, State Sorkar leh LADC in thawhdunna tha a neih phawt chuan hmalakna chu chaktaka kalpui a nih an beisei thu an sawi.

He hunah hian Pi Margaret J Vanlalremmawii, District Project Office & Member Secretary, Lawngtlai Town Sanitation Task Force leh Pu Lawmsangzuala, Sanitation Officer, LADC ten. Lawngtlai khawpuiin faina kawnga an hmalakna thlirletna neiin, hmasawnna leh hmachhawp an neihte tarlanna a nei nghal a ni.

Vawiin Lawngtlai Bawrhsap hova thutkhawm ah hian Mizoram a District khawpui intihsiakna ah dinhmun sang zawk luah thei turin theihtawp chhuah in State Sorkar leh LADC tangdunin, Village Council leh Tlawmngai pawl te nen kawngkal leh awmzenei zawkin hmalak nise tih a ni. Mipui lam ah awmzeneia faina leh thianghlimna kalpui tura inzirtirna uar zawka kalpui nise tha tih a ni bawk.

Vawiin review meeting ah hian sawrkar aiawh,  LADC Official, VCPs, NGOs aiawh leh MJA te an tel thei a a ni.