Chapchar Kut Organising Committee in a rel angin February Ni 28 leh March Ni 1, 2019 hian Lammualah ‘Chapchar Kut’ lawmna neih a ni dawn a. Chapchar Kut 2019 thupui atan ‘Zofate Inpumkhatna’ tih chu thlan a ni a, zohnahthlak hnam hrang hrang aiawhte kut chhim tur hian sawm an ni dawn a, mizo infiamna chi hrang hrang bakah Khuangchawi, Drama, hnam lam chi hrang hrangte pholan a ni ang. Mipuite a tam thei ang ber kal tura sawm an ni a, hnam ziarang pho lang tam thei tur zawngin hnam thuam inbel uar tura hriattir an ni.