Vawiin chhun dar 12:00 hian D.C Conference Hall Mamit-ah Pu Rodney L. Ralte IAS District Bawrhsap hovin kumin 2012 Chapchar kut hman dan tur rel a ni.

He meeting hian Kumin 2012 Chapchar kut (Dt 2/ March 2012) chu zing dar 10: ah Mamit GSA Playground ah uar tak leh ropui taka hman ni se, Kutpa a tan District Bawrhsap Pu Rodney L. Ralte IAS chu ruat niin. Hnam lam chi hrang hrang entir tur in MCO Mamit te leh District chhunga YMA Branch hrang hrang te a theih ang anga sawm ni se tih te leh Zaia mipui awi turin District chhung zaithiam chi hrang hrang te sawm ni se, MUP te tan chhawnghnawt buatsaih ni se tih te an rel a ni. He ni hian sawrkar hnathawk zawng zawng te School naupang te atam thei ang ber tel tur a beisei an ni bawk a ni.

He Meeting ah hian Head of Offices te, NGO hrang hrang hruaitute leh chanchinbu mite an tel tha hle a ni.