Kumin Chapchar Kut lawm dan tur chungchangah Programme Sub-Committee chu vawin khan a vawi hnihna atan Pu Hmingthanzuala Director, Art & Culture office ah an thu khawm a. Meeting hmasa thurel bawhzuina leh Kut programme thlir hona neih a ni.

Kumin Chapchar Kut hi “Zofate Inpumkhatna” tih thupuia hmangin Aizawl Sipai Lammual ah February 28 leh March 1 ah te hian lawm turin ruahman a ni a. Mizo hnam zai leh lam leh infiamna chi hrang hrang te bakah, Kut lawmna ah hian kum danga la tih ngai loh, India ram leh khawvel huapa Mizoram leh Mizo hnam ti hmingthatu mi chhuanawm te hnenah chawimawina hlan a ni dawn a ni.