No.7419/2020-2021

Chapchar Kut Organizing Committee chuan vawiin khan an chairman Chief Minister Pu Zoramthanga hovin kumin March ni 5 Chapchar Kut hman dan tur sawiin CM Conference Hall-ah an thukhawm.

COVID-19 hrileng avangin kumin Chapchar kut chu kum dang anga ropui taka hman a theih loh thu vawiin meeting ah hian sawi a ni a. Mipui him tlan zawk theih nan TV leh internet kaltlanga an chhim theih tur programme buatsaih ni se tia rel niin, hun hman dan tur chipchiar chu programme sub-committee ruahman tura duan a ni. Kum dang anga hman theih ni dawnlo mahse he kut pawimawhna hi dai mai lova Zo nun zemawi chhawm nun zel a nih theih nan a remchan anga hmalak ni se an ti bawk.

Vawiin meeting-ah hian Chapchar Kut Organizing Committee member te an tel kim thawkhat hle a ni.