Chapchar Kut 2019 puala vawiin atanga March ni 1, thleng awh tur Painting Exhibition, Aizawl Art Gallery a, Mizoram Art Development Society (MADS) leh Information & Public Relations Department tangkawp te buatsaih chu Dr. C. Vanlalramsanga, Secretary, Planning & Programme Implementation Department in a hawng.

Dr. C. Vanlalramsanga chuan lemziak mite chu Mizo zia leh nunphung pholangtu pawimawh tak an nih angin mawhphurna sang tak an nei tih sawiin Zo ti Zo tu leh Zo zia midang bulah hrilhfiah thei chu nangmahni kutchhuak leh lemziah te hi a ni a, art form te hian hnam zia ti lang thei hmaraw pawimawh leh tangkai tak a ni, a ti. Lemziah leh art form dang hi a bul tanna a rei lo ngaihtuahin Mizo lemziak miten hma an sawn chak chu lawmawm a ti a, hemi atan hian I & PR Department leh MADS chu hmahruaitu an nih thu a sawi bawk.

Thusawitu dang leh programme kaihruaitu I&PR Joint Director Pi Lallianpuii chuan Department anga Art form hrang hrang hmasawnna atana hma lak chhoh dan te leh hmachhawp an nei te a tarlang a. Nikum November leh tun thla a Delhi a Mizo lemziak mite kutchhuak pholanna Contemporary Mizo Art Exhibition chu Mizo art hmasawnna chhinchhiahtlak tak anih thu leh he thil hi Mizo lemziak mite tan in pholanna ‘exposure’ tha tak ani thu te sawiin hemi atan Sawrkar in phal naah lawmthu a sawi bawk.

Pu C. Laltanpuia, Vice President, MADS chuan Sawrkarin lemziak mite hma khua ngaiin hetiang programme a buatsaih thin chu lawmawm tiin art thanna atana Sawrkar thahnemngaihna chu a pawl ang pawh lungawi thlak an tih thu te a tarlang bawk. Pu V. Lalzawmkima hnen atana Report ngaihtlak niin tum tum Chapchar Kut Painting Exhibition ah, MADS member 32 te kutchhuak 55 pho chhuah ani thu a sawi.  

Chapchar Kut 2019 Painting Exhibition hian March ni 1 thleng a awh dawn a, mipui te chu Exhibition chhim turin MADS chuan a sawm a ni.