Vawiin chawhnu khan Food, Civil Supplies & Consumer Affairs Minister Pu K.Lalrinliana chuan Chapchar Kut denchhena Commerce & Industries Department buatsaih, Food Court, Handloom & Handicraft Exhibition, 2019 chu Basketball Court, AR Lammual-ah a hawng. 

Food, Civil Supplies & Consumer Affairs Minister Pu K.Lalrinliana chuan Commerce & Industries Department hmalakna chu fakawm, a ti a. Food Court, Handloom & Handicraft Exhibition chu ramin hma a sawn phahna atan leh eizawnna tih changtlun nana rahbi pakhat a nih a beisei thu a sawi a. Chapchar Kut lawmnaa kal zawng zawngte chuan Exhibition-ah hian hun nuam tak hmangse tiin duhsakna a hlan a ni. 

Minister hian Stall zawng zawng tlawhin, stall neitute hian an zawrhlai te entirin an sawifiah a; entrepreneur leh self help group te khawmna tawite a nei bawk a ni.

Food Court, Handloom & Handicraft Exhibition hi Ni 1.3.2019 (Zirtawp) thleng hawn tur a ni a. Services Stall 11, Food Processing Stall 9 leh Handloom & Handicraft Stall 20 a awm a ni.