3989/2023-2024
Aizawl the 28th February, 2024 : Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek angin Pu Stephen Lalrinawma, Sr. Superintendent of Police, Traffic, Aizawl chuan a hnuaia mi ang hian thupek a chhuah.
Chapchar Kut, 2024 Organising Committee rawtna ang leh Assam Rifles chhimlam Gate atanga Vanapa Hall inkara dawr hrang hrang hawn tum a nih avangin ni 29.2.2024 (Ningani) chawhnu Dar 2:00 atanga tlai Dar 5:00 leh ni 1.3.2024 (Zirtawpni) zing Dar 8:00 atanga tlai Dar 5:00 inkar chhung Assam Rifles chhimlam Gate atanga Vanapa Hall inkar hi “No Vehicle Zone” ah hman tur a ni a, lirthei tlan dan tur hetiang hian ruahman a ni.
Ni 29.2.2024 (Ningani) chawhnu Dar 2:00 – tlai Dar 5:00 inkara lirthei tlan dan tur:
1. Chhimlam pan tur lirtheite chu Assam Rifle Main Gate chhungah lutin Magazine Guard chungah tlan chhovin; Assam Rifles Gate, Vanapa Hall chhakah an chhuakthla ang.
2. Hmarlam pan lirtheite chu Tennis Court atangin Temple lamah emaw Vanapa Hall hnuaiah emaw an kal ang.
Ni 1.3.2024 (Zirtawpni) zing Dar 8:00 – tlai Dar 5:00 inkara Lirthei tlan dan tur:
1. City Bus chhimlam pante chu Zodin Square-ah kualin an let leh zel tur a ni. Tin, LMV leh Two wheelerte chu Assam Rifles Mandir Gate bul (Fly Over Bridge hnuai) ah kual let vek tur a ni.
Chhuah lamah: Ramhlun Road atanga Sikulpuikawn via Electric Veng-Chhinga Veng-Bethlehem Veng-College Veng-Republic Veng lamah a kal theih ang.
Tlak lamah: Bawngkawn atanga Sikulpuikawn via Company peng-Chanmari-Vaivakawn-Temple lamah a kal theih ang.
2. City Bus hmarlam pante chu Tennis Court atangin Raj Bhavan North Gateah tlan chhovin an kual let leh zel tur a ni. Tin, City Bus nilo lirthei dangte chu Tennis Court atangin Temple lamah emaw, Vanapa Hall hnuai atangin Temple lamah kalin; Temple atangin Vaivakawn lamah a kal theih ang. Temple atangin Zodin Square lam panin lirthei engmah tlan phal a ni lo.
Chhuah lamah: Sikulpuikawn atanga Ramhlun road via Republic Veng-College Veng - Bethlehem Veng - Chhinga Veng - Electric Veng lamah kal theih a ni.
3. No Vehicle Zone chhung hian chhim leh hmar inkalpawhna kawngpui (main road) khar a nih dawn avangin a helna tura ruahman kawngpui dungahte traffic jam avanga harsatna a thlen lohna’n bungrua leh lirthei engmah dah phal a ni lo.
4. Vehicle Parking area:
a) Hmar lamah: Bazar Bungkawn atanga Canteen kual.
b) Chhim lamah: Treasury Square atanga Raj Bhavan South Gate, Tennis Court atanga Revenue Office, Aizawl.
