Aizawl pawn a IDBI (Industrial Development Bank of India) branch pali na tur Champhai IDBI Branch chu vawiin khan Champhai Bawrhsap Pu Vanlalngaihsaka'n a hawng.

Bank hawnna hun tawite hmanah hian DC chuan thu sawiin, Champhai ah Bank hrang hrangin branch an hawn belh zel a, vawiinah Champhai a bank parukna ni tura IDBI-in an hawng thei chu hmasawnna lawmawm a nih thu leh, mipuiin tangkai taka an chhawr a beisei thu a sawi a. Bank hnathawkte chu thahnemngai leh dawr nuam tak leh entawntlaka thawk tura a beisei thu a tarlang bawk.

Vawiin hun hi Pu Lalnunmawia, Champhai College Principal chuan kaihruaiin, IDBI Champhai Branch Manager Pu ST Lalnunmawia chuan IDBI chungchang leh Champhai a branch din tura hmalak anih dan tlangpui a sawifiah a ni.