Nimin khan Chawngte SDO(C) charge latu Pu M.H. James MCS chu Chawngte \'L\' VC leh YMA ho te nen a office-ah an inkawm a. Sorkar inrelbawlna chungchanga Chawngte \'L\' dinhmun an sawi ho.

Chawngte \'L\' hi Chawngte \'C\' leh Chawngte \'P\' atanga hnaite ni reng siin Chawngte Sub-Division chhunga awm ve lo a ni a. An tan anmahni bialtu Tlabung pan vang vang a harsat thin avangin hun engemaw chen ata Chawngte SDO office atangin document pawimawh hrang hrang (ST, Tribal, income,etc.) te an la ve mai thin a. Hei hian dan leh thupek kenkawh kawngah te harsatna engemaw chenah a siam thin a. Chawngte \'L\' khawtlang hruaitute chuan dan leh thupek kenkawh kawngah leh document hrang hrang issue kawngah Chawngte SDO(C) in a hmuih telh theih dan tur zawn ni se tha an ti thu an sawi.