4718/2024-2025

Khawzawl, dated 20th March 2025: Vawiin chawhma dar 11:00 khan Krishi Vigyan Kendra (KVK) Khawzawl te chuan Chawngtlai Community hall-ah Chawngtlai khuaa Tomato chingtu mi 130 te nen Tomato chin, enkawl leh tharchhuah kawnga an harsatna te sawiin inkawmkhawmna (Farmers-Scientist Interaction) hun an hmang.

He hun hi Dr. Malsawmkimi, Senior Scientist & Head, KVK chuan kaihruaiin Dr. Lalngaihawmi, Subject Matter Specialist (Plant Protection) KVK chuan thlaia natna hrang hrang awmthei leh thlai tichhe thei rannungte laka thlai ven dan tur te zirtirna a pe bawk a ni.

KVK Khawzawl te hian Tomato variety an lo hmuhchhuah tawhte chu tam zawka thar chhuak turin district chhungah hma an la meka, hemi kawngah hian Indian Institute of Horticultural Reasearch North Eastern Himalayan Region (IIHR – NEH) nena thawk dunin a chi pawh pek chhuah mek zel ani. Kum 2024 khan Chawngtlai khuaah Tomato chingtu hi chhungkaw 80 awmin Tomato chi 1.5 kg pek chhuah an ni a, 1430 Quintals thar chhuakin ₹57,00,000 (Nuai sawmnga pasarih) lai an lei chhuak a ni. Kumin 2025 hian chhungkaw tam zawkin Tomato ching tura hma la mekin, Tomato chi 2 kg KVK te hian an pe chhuak nghal bawk a ni. Tin, Integrated Pest Management (IPM) hmangin zirtirna an kalpui fo thin bawk.