2018/2023-2024

Mamit 26th September, 2023 : Cheng nuai 100 senga sak Multipurpose Building Government Zawlnuam College chu Dr. R. Lalthangliana, Hon'ble Minister Higher & Technical Education chuan vawiin khan a hawng.

H & TE Minister Dr. R. Lalthangliana chuan building thar an hawng thei chu lawmawm a tih thu a sawi a, building pawimawh dang pawh a tahtawla an la hawn zel tur thu a sawi a, zirlaite leh zirtirtute chu zirna kawngah thahnemngai taka tan la sauh sauh turin a fuih a ni. Zawlnuam College-ah hian hnam dang zirtirtu an awm ve nual a, hei hian saptawng lamah zirlaiten chhawr tangkai se a duh thu a sawi bawk. NEP 2020 in a tum ber chu a tam thei ang ber in zirna run hi kai se (gross enrolment) tih hi a ni a, zirlaiten an thlen theih sang ber thleng a thahnemngai taka zir turin a chah a. NEP 2020 in a phut angin State University chu hmalam huna din tur a ni a, chumi a tan chuan sawrkar pawhin hma a la mek a ni tiin a sawi.

Pu Lalrintluanga Sailo, Dampa Bialtu MLA & Deputy Chief Whip pawhin thu tawi sawiin zirlaite chu an kal zelna turah duhsakna a hlan a ni.

Dr. Zarzoliana, ASPD (RUSA) chuan technical report pe-in Multipurpose Building hi cheng nuaih 100 senga sak niin Mizopa chhiara chhawng 3 a ni a, zauzawng hi 1320 sqt a ni. Kum 2019 atanga Sky Ridge Construction & Consultancy Services ten a sak hna hi an thawk a ni.

Multipurpose Building hawnna hun hi Pi Esther Lal Ruatkimi, Principal Secretary H& TE chuan kaihruaiin, Pu J. Malsawma, Vice Principal, Zawlnuam College chuan lawmthusawina a nei bawk.

Zawlnuam College ah hian zirlai 80 vel leh Department paruk leh zirtirtu 20 an awm mek a ni.

Health Minister hian Kawrthah CHC, Zawlnuam PHC leh Kawrtethawveng PHC te tan Poor fund a pe a, Kawrthah CHC hi a hmunah a tlawh bawk a ni.