3906/2023-2024

Mamit 20th February, 2024 : Vawiin khan Jawahar Navodaya Vidyalaya, School Campus, Luangpawl Mamit a mi chu India Prime Minister, Nadrendra Modi chuan biakhmuhtheihna hmangin a hawng, He mi puala JNV School Campus, Luangpawl, Mamit-a hun hmannaah Mamit bialtu MLA Er.H. Lalzirliana chuan khuallian niin a hmanpui.

India Prime Minister zahawmtak Pu Nadrendra Modi chuan zirna kawnga hmalakna bakah India ram chawikanna tura Scheme hrang hrang kalpuite a tarlang a, heng Scheme hnuaia hnathawhte hi a chhawrtu mipui te'n tangkai leh hlawkthlak takin an hman thu biakhmuhtheihna kaltlangin a sawi bawk a ni.

A hmuna hawnna hmanpuitu bialtu MLA Er H Lalzirliana chuan JNV School Campus, Luangpawl, Mamit a mi hawn theiha zawh a ni ta chu lawmawm a tih thu a sawi a, Building sak zawh a nih theih nana theihtawp chhuah a ni a, JNV Campus chu Mamit tan chauh nilo-in District chhung zawng zawngte ta a ni a, District chhunga hnam hrang hrang te'n zirna hmunkhata kan zir chu hmuhnawm a tihthu leh mahni hnam ziarang pho lang thei theuhte naupangin an entirte chu zirtirtute fakawm a tih thu a sawi a, Zirlai naupangte chu ngaihtuahna sang tak kan neih a tul a, Mizoram pela hnathawk thei tura inbuatsaih tur leh chumiah chuan Hindi thiam ngei ngei turin theihtawp chhuah turin a sawm a ni.

JNV School School hi Mamit-ah kum 2008 atanga din/hawn tan a ni a,  Zirna In hmun nghet an neih hma hian a theih ang angin hmundangah zirna hi kalpui thin a ni, tuna hawn tak an School Campus hi kum 2013 khan sak tan niin nikum September thla khan cheng Nuai 2973.64 senga luah theiha sak zawh a ni. Campus chhungah hian Building Academic Building -1, Kitchen & Dinning Hall -1, Boys Dormitory -4, Girls Dormitory -2, Staff Quarter -3, Principal Residence -1, zirlai pawlruk atanga pawlsawm thleng zirlai 155 an awm mek a, Principal hovin Staff 21 an awm bawk a ni.