3907/2023-2024

Mamit 20th February, 2024 : Vawiin khan Mangkhawngdai Field-ah Mizoram State Day pualin Mamit District State Day Of Prayer Tawngtairual Programme huaihawtin hun hman a ni.

Vawiin tawngtairual Programme hi chhawngthuma then a ni a. Chhawngkhatna hi Upa C.L Thantluanga, Organising Chairman chuan a kaihruai a, " Sual ngaihdam dilna" tih thupui hmangin Pu Laldingliana, Speaker Bethesda Ministry chuan thusawina a nei, chhawnghnihna hi Capt. Joseph Lalremmawia, Salvation Army, Mamit Bial chuan kaihruaiin, " Pathian hnenah lawmthusawina leh malsawm dilna" tih thupui hmangin Upa C.L Thantluanga Chairman Organising Committee chuan thusawina a nei a. Chhawngthumna hi Rev. R. Laltanpuia, BCM Mamit Pastor Bial chuan kaihruaiin, "Siam tharna leh inhlan tharna" tih hmangin Rev. Lalhleia, Councellor, FG&CC Mamit chuan thusawina a nei bawk.

Vawiin hun hmanna-ah Mamit khawpui chhunga kohhran hrang hrang atanga kalkhawmin Sual thupha chawina tawngtairual vawi 3 neih niin, zaihona bakah zaithiam te'n hun an hmang a. Pi Darrimawii, Fin. Secretary, Organising Committee chuan lawmthusawina neiin, Rev. Lalrintluanga, Ralte, Mashihi Sanghati khawthlang Bial chuan malsawm tawngtaina-in kalkhawmte a tin a ni.