3905/2023-2024

20.02.2024 : Vawiin khan Mizoram State Day 2024 pualin Champhai District -ah pawh District Sport Complex, New Champhaiah State Day of Prayer hman a ni.

State Day of Prayer hi Pastor K Lianmunga'n kahruaiin Champhai Bawrhsap Pu James Lalrinchhana, SDP Organising Commttee Chairman ni bawk chuan ramin theihtawp chhuaha Pathian a auhnaa an tel thei chu Pathian zahngaihna avang a nih thu sawiin thinglung leh tihtakzeta Pathian au turin kalkhawmte a sawm a. Pathian hrem hmabak Ninevi khawpuiin sual thupa an chawi avangin Pathian khawngaihna an chang angin vawiina Pathian an auhna chuan Mizoramin Pathian khawngaihna a auh chhuah ngei a beisei thu sawiin Pathian chu thinlung entu a nih avangin tihtak zeta simna nena Pathian an auh chuan Pathianin a lo kuangkuah dawn tih a sawi a, Bawrhsap chuan Thlarau chau leh nguite tan Pathian chu chakna a ni tiin a hminga an dil apiang ti zel tura intiamtu Pathian lamah an rilrute hawnga theihtawp chhuah turin mipui pungkhawm te a sawm a ni.

State Day of Prayer hi hun (Session) thum a then niin  hun  khatnaah hian T.Upa Lalhmingsanga Synod Revival Speaker-in 'Sual Ngaihdam Dilna' tih thupui a sawi a,   Hun hnihna ah hian Rev. PC Lalropuia, Pastor BCM Champhai bialin  'Pathian Hnena Lawmthu Sawina' tih thupui sawiin  Pi Lianthangpuii, Synod Revival Speaker-in 'Inhlan Tharna/ Inpumpekna' tih thupui a sawi a, heng thupui pathum hmangte hian  tum thum tawngtai rual niin Pathian fakin zai ho a ni bawka,  Rev H. Lalrinmawia, Director, Synod Rescue Home in lawmthu a sawi a, Malsawmna sawiin State Day of Prayer -a kalte hi a tin a ni.

State Day of Prayer-ah hian Champhai District chhunga Sawrkar Department hotute, Kohhran hrang hrang hruaitute, rawngbawltute leh mipui thahnem tak an tel a ni.